Kamis, 14 Oktober 2010
Tertib Acara Mamongkot Rumah Nabaru
Kel. St. JM Tondang / IR br. Ginting
Sabtu, 16 Oktober 2010
TERTIB ACARA
PAMONGKOTON RUMAH NA BARU
Kelrg. St. JM TONDANG / IR br. GINTING
Sabtu, 16 Oktober 2010
A. ACARA MULAI I ALAMAN : PERSIAPAN
1. Haganupan sibiak tutur (Suhut/Sanina/Boru/Diha-diha/Tondong) mangaturhon parjongjongni bei domu hubani na iaturhon ni protokol. Anggo boi Suhut domma sirsir marpahean Adat Simalungun riap odor ilobei ni Rumah na sihol sibongkoton.
2. Manurduk DEMBAN ma suhut hubani : TULANG (Damanik), TONDONG JABU (Ginting), PANDITA. Ase ipungkah ma Acara.
3. Boruni hasuhuton domma sirsir manjolom Gunting iatas pinggan, pakon ni kussi ni rumah iatas pinggan homa. Janah isurdukhon ma GUNTING hubani TULANG (Damanik) janah KUSSI hubani PANDITA.
4. Maronjolan hubani Hatani NAIBATA, igunting TULANG (Damanik) ma Pita (PAGAR ni RUMAH ai), janah siluk masuk ma haganup odoran hu alaman ni RUMAH ai, Pandita ma ilobeini labah.
5. PANDITA MANUNGKUN :
Paima ibuka rumah on, tangar hita ma lobei hatani Naibata na tarsurat bani Psalm 127 : 1b : “Anggo seng Jahowa na pauli rumah, soya-soya do halojaon ni halak na manukangi”
Anggo sonai nasungkun ma nasiam SUHUT :
Porsaya do nasiam, Naibata do namampargogohi pakon na mamasu-masu nasiam, boi nasiam pajongjongkon rumah on janah mangiankon ibagas damei ?
Balosni Suhut : PORSAYA DO HANAMI
6. Isurdukhon ma KUSSI hubani Pandita.
PANDITA :
Anggo sonai, domu hubani pengakuan nasiam ai, IBAGAS GORAN NI NAIBATA BAPA, PAKON TUHAN JESUS KRISTUS, AMPA TONDUY NAPANSING HUBUKA MA RUMAH ON. Amen. (Pitah Kussi do hansa ibukahon pandita, anggo namambukahon selanjutni aima TONDONG JABU marna GINTING do)
7. Dob ai itogo tondong jabu ma haganupan hasuhuton masuk hu bagas rumah, janah haganup ma sibiak tondong (pagantih-gantih) mambuka haganup labah na adong ibagas RUMAH ai, irih totap I HORASKON boru, janah haganup odoran ai manghatahon “HORAS…..!”
8. Dob das I DAPUR (ujung) I NAHITI Tondong (GINTING) ma tataring janah itampeihon ma parmasakan ni the.
9. Dob ai mulak ma haganup hujabu BONA marsibuat hundulan ni bei, lanjar siluk iboras tengeri ma HASUHUTON.
(Naparlobei mamboras tengeri aima : Orang Tua, Tondong Jabu, Tulang, Bona Tulang).
B. ACARA KEBAKTIAN.
Dob salpu mamboras tengeri masuk ma acara Kebaktian :
1. Votum : Ibagas Goran ni Naibata Bapa, pakon Tuhan Jesus Kristus ampa Tonduy
Napasing, Sitompa langit pakon tanoh on. Amen.
Introitus : Ia do napaulihon sada rumah bangku, anjaha pajonamonku do paratasNi
ronsi sadokah ni dokahni.
Tonggo : Matronggo ma hita….!
Ham Tuhan Naibata Bapa nami na i nagori atas, ibongkot hanami ma sadarion rumah ni juak-juakMu on maronjolan hubani hataMu na mapansing in. Bani acara pamongkoton on manumpak ma Ham. Ase gabe hataridahan ni haporsayaon pakon pamujion nami on hubamu ampa bahen hasangapon bani goran Mu. Ibagas goran ni anak Mu, Tuhan Jesus Kristus Tuhan nami, hanami martonggo. Amen.
2. Mandoding Haleluya No. 6 : 1, 2 + 4
1. Ham do ipuji uhurhon, Jahowa tuhan kin
Huambilankon do tongtong, ganup binaenMu in
2. Hubotoh ham do bonani, na dear haganup
Ibere Ham buei hunjin, bennami haganup
4. Ai Ham do na margogoh in, sitompa haganup
Ham do na pagoluhkon in, marmudu haganup
3. AMBILAN : 5 Musa 8 : 10 – 11 (Oleh : Pdt. John SM Sitopu, S.Th)
4. Mandoding Haleluya No. 347 : 1 + 3
1. Batu gingging na tough, Ham do batar-batarhin
Na gogoh tough do Ham, bai gilumbang tahan Ham
Sai hudilo Jesus in, tolong au anakMu on
3. Seng adong haposankin, pitah bai silangMu in
Bani hahurangan kin, Ham ma patorsahon in
Anggo lang marhitei ham, seng maluah au Tuhan
5. Martonggo Humbani Hasuhuton : (marga Purba)
6. Mandoding Haleluya No. 411 : 1 – 2 (irik patumpu GALANGAN hu zending Simalungun)
1. Diatei tupa ma Bamu Ham Naibata, mambaen tupa humpulan nami on
Igomgom Ham do horja nami on torsa, gok malas uhur do hanai ijon.
Ibere Ham do damei na tarsulur, Sanggah manranggi horja haganup
Nuan hanami rap marmalas uhur, Mardingat haganup pambaenanMu
2. Ipardimata Ham do tong hanai Tuhan, Ai sorap do tonduyMu in tongtong
Ase torsa mardalan horja ganupan, KuasaMu do in mambaen sintong
Porini dong rundut ni paruhuran, sirsir do Ham manhu hanai on
Ai hataMu do tong na pagolpahon, mambaen tapang nuan ganup ijon
7. Doa Syafaat / Tonggo Panutup – PASU-PASU
Pandita manghatahon : Martonggo ma hita….!
Ham Tuhan Naibata parholong atei, paridob ni uhur, sitompa haganup na adong, simada kuasa, harohan ni sagala pasu-pasu. Tarima kasih ampa puji-pujian ma isombahkon hanami hu Bamu, halani marhitei idob ni uhur Mu, domma boi saud ibongkot hanami rumah ni Juak-juakMu aima Keluarga St. Jhonly Mahata Tondang pakon inang Iriani br. Ginting on sadarion.
Ham Bapa, tondok ma Ham i rumah on, herbangkon Ham ma tongtong tanganMu in, laho ma masu-masu sidea sakeluarga arian pakon borngin. Ham ma na gabe batar-batar, benteng na tough, manjagai janah manramotkon sidea humbani sagala sura-sura ni parjahat. Totap ma hataMu na gabe onjolan ni ghaganup pargoluhan ni pangisi ni rumah on, ase jumpahan damei ampa malas ni uhur ganup na masuk ampa na luar hun rumah on. Gabe rumah partonggoan ma on, ianan ni sidea mangondo gogoh ampa pangurupion bani haganup horja, ase lambin marharinggason sidea bani haganup horja hinarosuhkon Mu, bani pargoluhon ni sidea siganup ari.
Ham Tuhan Naibata, marhitei Tonduy Napansing, sai papansing Ham ma tong parsaoran i tongah-tongah ni rumah on, ase tongtong ibagas damei-Mu sidea marhasadaon pakon marsihaholongan. Patotap Ham ma pasu-pasu mu ampa haporsayaon nami rombang, ase riap hanami mamuji ampa pasangapkon Ham bani goluh nami.
Marhitei humbani pasu-pasuMu na dob ijalo hanami, ijon ipatumpu hanami do galangan nami, janah iondoskon hanami hu Bamu ibagas uhur na martarima kasih. Sai jalo anjaha pasu-pasu Ham ma on, ase marguna bani harajaon-Mu, bahen sangap bani goran-Mu. Sai pasu-pasu Ham ma ganup horja ni tangan nami, ase marbuahkon na madear, hiteiMu mansarihon goluh nami siganup ari. Ipindo hanami on hubamu, ibagas goran ni anakMu Tuhan Jesus Kristus Tuhan nami. Amen.
Riap ma hita martonggo, marhitei tonggo na niajarhon ni Tuhan Jesus hubanta :
Ham Bapa nami na marianan i nagori atas, sai na papansing ma goran-Mu. Sai roh ma harajaon-Mu, Sai saud ma harosuh ni uhur-Mu i nagori tongah on songon na i nagori atas, Bere Ham ma bennami sadari on hagoluhan ari-ari. Sasap Ham ma dosa nami, songon panasap nami bani dosa ni hasoman na mardosa dompak hanami. Ulang hanami bobai Ham hu parlajouan, Paluah Ham ma hanami humbani pangagou, Ai Ham do simada harajaon, pakon hagogohon, ampa hasangapon sadokah ni dokahni. Amen
PANDITA PADASHON PASU-PASU :
Jalo nasiam ma pasu-pasu humbani Tuhan Naibata :
Idob ni uhur ni Tuhan Jesus Kristus, Pakon holong ni atei ni naibata Bapa, ampa parsaoran ni Tonduy Napansing na manghasomani nasiam haganupan. Amen
C. ACARA ADAT :
1. Dob salpu acara kebaktian on, ipadalan ma :
a. Nitak Siang-siang marisi Tolur Dayoh ampa kalapa na margolang-golang. (isurdukhon Orang tua ma on hubani suhut) na deba ipadalan boru ma hubani haganup undangan.
Ase siang paruhuran, siang age cuaca bani acara pesta, torang mardalan haganupan paradaton.
b. Tobu (na marurat janah marbulung) = (isurduk hon boru ma on hubani suhut) na deba domma i potong-potong ibagas peles ibagihon boru ma on bani haganup undangan.
Ase roh ma na matobu hubanta haganupan, tarlobih hubani keluarga na mambongkot Rumah sadarion.
c. Galuh Siminak (domma dob-dob ipultiki humbani sisiran ni)=(isurdukhon Tondong ma on hubani suhut) nadeba ibagihon boru ma on hubani undangan haganupan.
Ase marminak ma pansarian, urah-urah age rajoki sadokah mangiankon Rumah on.
2. Manurduk ma na patut, hubani suhut ipungkah humbani :
a. Isurdukhon orang tua ma DAPOTON ni Suhut (Dayok binatur)
b. Dob ai mangihut ma manurduk Tondong marga Ginting
c. Dob ai mangihut ma manurduk Tondong marga PARNA
d. Dob ai mangihut ma manurduk Tulang marga Damanik
e. Dob ai mangihut ma manurduk Tulang marga Silauraja/Naimarata
f. Dob ai mangihut ma manurduk Boru haganup
g. Dob ai mangihut ma manurduk Panogolan haganup
3. MAKAN BERSAMA
4. Sanggah Acara mangan on ipadalan hasuhuton ma parjambaran hubani na patut
(bani acara on, parlobei ma ipadalan TUDU-TUDU ni SIPANGANON) janah bani haganup ai ase dear marsialopan riah lobei haganup sibiak tutur aima : Suhut, Tondong Jabu, Tulang, pakon ni Sinhuta
5. Ipadalan Suhut ma homa DAYOK BINATUR HUBANI NA PATUT MANJALO.
6. Dob salpu mangan………..SELANJUTNI na padas ma ACARA on bani KELUARGA ase itoruskon domu hubani ACARA MAMBERE PODAH/SILUAH. (protokol Hasuhuton ma mambaturhon acara on)
Catatan : Acara BOI IRUBAH DOMU HUBANI HINADEAR NI HORJANTA
Sonaima TARIMA KASIH.
PIMPINAN MAJELIS JEMAAT GKPS DOLOKSANGGUL PADASHON :
SELAMAT MENEMPATI RUMAH NA BARU MA HUBANI
KELUARGA : St. JM Tondang / IR br. Ginting
(DINA – YUDI – MEYTA)
Doc’ : yogimanik@yahoo.co.id
Sabtu, 16 Oktober 2010
TERTIB ACARA
PAMONGKOTON RUMAH NA BARU
Kelrg. St. JM TONDANG / IR br. GINTING
Sabtu, 16 Oktober 2010
A. ACARA MULAI I ALAMAN : PERSIAPAN
1. Haganupan sibiak tutur (Suhut/Sanina/Boru/Diha-diha/Tondong) mangaturhon parjongjongni bei domu hubani na iaturhon ni protokol. Anggo boi Suhut domma sirsir marpahean Adat Simalungun riap odor ilobei ni Rumah na sihol sibongkoton.
2. Manurduk DEMBAN ma suhut hubani : TULANG (Damanik), TONDONG JABU (Ginting), PANDITA. Ase ipungkah ma Acara.
3. Boruni hasuhuton domma sirsir manjolom Gunting iatas pinggan, pakon ni kussi ni rumah iatas pinggan homa. Janah isurdukhon ma GUNTING hubani TULANG (Damanik) janah KUSSI hubani PANDITA.
4. Maronjolan hubani Hatani NAIBATA, igunting TULANG (Damanik) ma Pita (PAGAR ni RUMAH ai), janah siluk masuk ma haganup odoran hu alaman ni RUMAH ai, Pandita ma ilobeini labah.
5. PANDITA MANUNGKUN :
Paima ibuka rumah on, tangar hita ma lobei hatani Naibata na tarsurat bani Psalm 127 : 1b : “Anggo seng Jahowa na pauli rumah, soya-soya do halojaon ni halak na manukangi”
Anggo sonai nasungkun ma nasiam SUHUT :
Porsaya do nasiam, Naibata do namampargogohi pakon na mamasu-masu nasiam, boi nasiam pajongjongkon rumah on janah mangiankon ibagas damei ?
Balosni Suhut : PORSAYA DO HANAMI
6. Isurdukhon ma KUSSI hubani Pandita.
PANDITA :
Anggo sonai, domu hubani pengakuan nasiam ai, IBAGAS GORAN NI NAIBATA BAPA, PAKON TUHAN JESUS KRISTUS, AMPA TONDUY NAPANSING HUBUKA MA RUMAH ON. Amen. (Pitah Kussi do hansa ibukahon pandita, anggo namambukahon selanjutni aima TONDONG JABU marna GINTING do)
7. Dob ai itogo tondong jabu ma haganupan hasuhuton masuk hu bagas rumah, janah haganup ma sibiak tondong (pagantih-gantih) mambuka haganup labah na adong ibagas RUMAH ai, irih totap I HORASKON boru, janah haganup odoran ai manghatahon “HORAS…..!”
8. Dob das I DAPUR (ujung) I NAHITI Tondong (GINTING) ma tataring janah itampeihon ma parmasakan ni the.
9. Dob ai mulak ma haganup hujabu BONA marsibuat hundulan ni bei, lanjar siluk iboras tengeri ma HASUHUTON.
(Naparlobei mamboras tengeri aima : Orang Tua, Tondong Jabu, Tulang, Bona Tulang).
B. ACARA KEBAKTIAN.
Dob salpu mamboras tengeri masuk ma acara Kebaktian :
1. Votum : Ibagas Goran ni Naibata Bapa, pakon Tuhan Jesus Kristus ampa Tonduy
Napasing, Sitompa langit pakon tanoh on. Amen.
Introitus : Ia do napaulihon sada rumah bangku, anjaha pajonamonku do paratasNi
ronsi sadokah ni dokahni.
Tonggo : Matronggo ma hita….!
Ham Tuhan Naibata Bapa nami na i nagori atas, ibongkot hanami ma sadarion rumah ni juak-juakMu on maronjolan hubani hataMu na mapansing in. Bani acara pamongkoton on manumpak ma Ham. Ase gabe hataridahan ni haporsayaon pakon pamujion nami on hubamu ampa bahen hasangapon bani goran Mu. Ibagas goran ni anak Mu, Tuhan Jesus Kristus Tuhan nami, hanami martonggo. Amen.
2. Mandoding Haleluya No. 6 : 1, 2 + 4
1. Ham do ipuji uhurhon, Jahowa tuhan kin
Huambilankon do tongtong, ganup binaenMu in
2. Hubotoh ham do bonani, na dear haganup
Ibere Ham buei hunjin, bennami haganup
4. Ai Ham do na margogoh in, sitompa haganup
Ham do na pagoluhkon in, marmudu haganup
3. AMBILAN : 5 Musa 8 : 10 – 11 (Oleh : Pdt. John SM Sitopu, S.Th)
4. Mandoding Haleluya No. 347 : 1 + 3
1. Batu gingging na tough, Ham do batar-batarhin
Na gogoh tough do Ham, bai gilumbang tahan Ham
Sai hudilo Jesus in, tolong au anakMu on
3. Seng adong haposankin, pitah bai silangMu in
Bani hahurangan kin, Ham ma patorsahon in
Anggo lang marhitei ham, seng maluah au Tuhan
5. Martonggo Humbani Hasuhuton : (marga Purba)
6. Mandoding Haleluya No. 411 : 1 – 2 (irik patumpu GALANGAN hu zending Simalungun)
1. Diatei tupa ma Bamu Ham Naibata, mambaen tupa humpulan nami on
Igomgom Ham do horja nami on torsa, gok malas uhur do hanai ijon.
Ibere Ham do damei na tarsulur, Sanggah manranggi horja haganup
Nuan hanami rap marmalas uhur, Mardingat haganup pambaenanMu
2. Ipardimata Ham do tong hanai Tuhan, Ai sorap do tonduyMu in tongtong
Ase torsa mardalan horja ganupan, KuasaMu do in mambaen sintong
Porini dong rundut ni paruhuran, sirsir do Ham manhu hanai on
Ai hataMu do tong na pagolpahon, mambaen tapang nuan ganup ijon
7. Doa Syafaat / Tonggo Panutup – PASU-PASU
Pandita manghatahon : Martonggo ma hita….!
Ham Tuhan Naibata parholong atei, paridob ni uhur, sitompa haganup na adong, simada kuasa, harohan ni sagala pasu-pasu. Tarima kasih ampa puji-pujian ma isombahkon hanami hu Bamu, halani marhitei idob ni uhur Mu, domma boi saud ibongkot hanami rumah ni Juak-juakMu aima Keluarga St. Jhonly Mahata Tondang pakon inang Iriani br. Ginting on sadarion.
Ham Bapa, tondok ma Ham i rumah on, herbangkon Ham ma tongtong tanganMu in, laho ma masu-masu sidea sakeluarga arian pakon borngin. Ham ma na gabe batar-batar, benteng na tough, manjagai janah manramotkon sidea humbani sagala sura-sura ni parjahat. Totap ma hataMu na gabe onjolan ni ghaganup pargoluhan ni pangisi ni rumah on, ase jumpahan damei ampa malas ni uhur ganup na masuk ampa na luar hun rumah on. Gabe rumah partonggoan ma on, ianan ni sidea mangondo gogoh ampa pangurupion bani haganup horja, ase lambin marharinggason sidea bani haganup horja hinarosuhkon Mu, bani pargoluhon ni sidea siganup ari.
Ham Tuhan Naibata, marhitei Tonduy Napansing, sai papansing Ham ma tong parsaoran i tongah-tongah ni rumah on, ase tongtong ibagas damei-Mu sidea marhasadaon pakon marsihaholongan. Patotap Ham ma pasu-pasu mu ampa haporsayaon nami rombang, ase riap hanami mamuji ampa pasangapkon Ham bani goluh nami.
Marhitei humbani pasu-pasuMu na dob ijalo hanami, ijon ipatumpu hanami do galangan nami, janah iondoskon hanami hu Bamu ibagas uhur na martarima kasih. Sai jalo anjaha pasu-pasu Ham ma on, ase marguna bani harajaon-Mu, bahen sangap bani goran-Mu. Sai pasu-pasu Ham ma ganup horja ni tangan nami, ase marbuahkon na madear, hiteiMu mansarihon goluh nami siganup ari. Ipindo hanami on hubamu, ibagas goran ni anakMu Tuhan Jesus Kristus Tuhan nami. Amen.
Riap ma hita martonggo, marhitei tonggo na niajarhon ni Tuhan Jesus hubanta :
Ham Bapa nami na marianan i nagori atas, sai na papansing ma goran-Mu. Sai roh ma harajaon-Mu, Sai saud ma harosuh ni uhur-Mu i nagori tongah on songon na i nagori atas, Bere Ham ma bennami sadari on hagoluhan ari-ari. Sasap Ham ma dosa nami, songon panasap nami bani dosa ni hasoman na mardosa dompak hanami. Ulang hanami bobai Ham hu parlajouan, Paluah Ham ma hanami humbani pangagou, Ai Ham do simada harajaon, pakon hagogohon, ampa hasangapon sadokah ni dokahni. Amen
PANDITA PADASHON PASU-PASU :
Jalo nasiam ma pasu-pasu humbani Tuhan Naibata :
Idob ni uhur ni Tuhan Jesus Kristus, Pakon holong ni atei ni naibata Bapa, ampa parsaoran ni Tonduy Napansing na manghasomani nasiam haganupan. Amen
C. ACARA ADAT :
1. Dob salpu acara kebaktian on, ipadalan ma :
a. Nitak Siang-siang marisi Tolur Dayoh ampa kalapa na margolang-golang. (isurdukhon Orang tua ma on hubani suhut) na deba ipadalan boru ma hubani haganup undangan.
Ase siang paruhuran, siang age cuaca bani acara pesta, torang mardalan haganupan paradaton.
b. Tobu (na marurat janah marbulung) = (isurduk hon boru ma on hubani suhut) na deba domma i potong-potong ibagas peles ibagihon boru ma on bani haganup undangan.
Ase roh ma na matobu hubanta haganupan, tarlobih hubani keluarga na mambongkot Rumah sadarion.
c. Galuh Siminak (domma dob-dob ipultiki humbani sisiran ni)=(isurdukhon Tondong ma on hubani suhut) nadeba ibagihon boru ma on hubani undangan haganupan.
Ase marminak ma pansarian, urah-urah age rajoki sadokah mangiankon Rumah on.
2. Manurduk ma na patut, hubani suhut ipungkah humbani :
a. Isurdukhon orang tua ma DAPOTON ni Suhut (Dayok binatur)
b. Dob ai mangihut ma manurduk Tondong marga Ginting
c. Dob ai mangihut ma manurduk Tondong marga PARNA
d. Dob ai mangihut ma manurduk Tulang marga Damanik
e. Dob ai mangihut ma manurduk Tulang marga Silauraja/Naimarata
f. Dob ai mangihut ma manurduk Boru haganup
g. Dob ai mangihut ma manurduk Panogolan haganup
3. MAKAN BERSAMA
4. Sanggah Acara mangan on ipadalan hasuhuton ma parjambaran hubani na patut
(bani acara on, parlobei ma ipadalan TUDU-TUDU ni SIPANGANON) janah bani haganup ai ase dear marsialopan riah lobei haganup sibiak tutur aima : Suhut, Tondong Jabu, Tulang, pakon ni Sinhuta
5. Ipadalan Suhut ma homa DAYOK BINATUR HUBANI NA PATUT MANJALO.
6. Dob salpu mangan………..SELANJUTNI na padas ma ACARA on bani KELUARGA ase itoruskon domu hubani ACARA MAMBERE PODAH/SILUAH. (protokol Hasuhuton ma mambaturhon acara on)
Catatan : Acara BOI IRUBAH DOMU HUBANI HINADEAR NI HORJANTA
Sonaima TARIMA KASIH.
PIMPINAN MAJELIS JEMAAT GKPS DOLOKSANGGUL PADASHON :
SELAMAT MENEMPATI RUMAH NA BARU MA HUBANI
KELUARGA : St. JM Tondang / IR br. Ginting
(DINA – YUDI – MEYTA)
Doc’ : yogimanik@yahoo.co.id
Langganan:
Postingan (Atom)