Selasa, 15 Juni 2010
Bogei ma Podah ni Tuhan in
Bahan Bacaan : 5 Musa 11 : 13 - 21
Oleh : St. Agus Letwing M,S.Pd
(Sekretaris Jemaat GKPS Doloksanggul)
Anggo sihol mambahen sada kegiatan ma diri porludo haganupan palobei irencanahon janah isusun jenges sehingga jumpah ma tujuan na jelas, marhiteihon ni tatanan/aturan na dob iranggi ai. Ase saut mardalan ai, maningon do ituruti hita tatanan na dob iatur hita ai. Somal isobut Tertib Acara, Apalagi anggo seng hita homa mambobahon acara ai, tapi hita manusun acara, tontu maningon takkas do pabotohkonon ta sonaha pardalan ni acara ai holi.
Bani ambilan ta on, Tuhan Naibata do na dob manusun Tertib Acara ai na sihol sihorjahonon ni halak Israel marhitei pambobaion ni si Musa. Domma itotapkon Tuhan Naibata aha na sihol sihorjahonon ni bangsa Israel bani pardalanan ni goluh ni. Merupakan sada keharusan na mutlak do aturan on, na maningon sidalankonon ni Bangsa ni Naibata ai, tua-muda, na bayak-na masombuh, pamarentah-rayatni pe maningon do manggoluh ampa marhorja domu hubani parentah pakon aturan na dob itontuhon Tuhan Naibata.
Sada hal na pokok, na maningon iulak-ulakkon sampai mendarah daging aima Pidato ni Nabi Musa sanggah bani ujung ni goluh ni ai, aima ase haganupan pangitua-pangitua ni Israel iparentahkon do ase totap mansahap-sahapkon tonah ai bani generasi ke generasi. (sms berantai) bani haganup keluarga/rumah tangga, bani haganup panorang pakon ianan.
Adong piga-piga podah na sihol sobuton marhitei ambilan on aima :
1. Maningon ibagas bulat ni uhur do manghorjahon parentah ni Tuhan Naibata, ulang ganggang darngos. Hal on boi idahon humbani gaya hidup sehari-hari, janah sonaha jolma in manghagoluhkon titah. Sedo pitah parsahap, sedo pitah tradisi/kebiasaan tumang. Tapi totalitas ni goluh ni maningon do totap pataridahkon bahasa haganupan na dong bani, hosah, gogoh, sinadongan, rupa, hasehaton, pikkiran, hapentaron ni, haganupan ai na humbani Tuhan Naibata.
2. Humbani bulat ni uhur, namararti do ai patuduhkon haganup totalitas ni kehidupan ni, tanpa ragu-ragu man nahkon haporsayaon ni hubani Tuhan. Dob honsi haganupan ai boi tarpatuduh melalui sikap hidup sehari-hari, tontu secara otomatis Tuhan Naibata ma marhorja mangatur goluh ni. Porsi na paling porlu sipatuduhon aima manghaholongi Naibata, ampa manghaholongi hasoman jolma, sadalan homa bani Titah ni Naibata na sapuluh in (1 Musa 20 : 1-17)
3. Tuhan Naibata manjamin kelanjutan ni buah ni ketaatan ta ai bani hataNi. Tuhan Naibata mangatur goluh ni na marhaporsayaon Bani. Anggo ipaihut-ihut hita bani teks ni ambila on isobut do bahasa Tuhan Naibata partubuh ni suan-suanan marhitei na mambere udan, suan-suanan pe marbuahkon buah na madear, poyon-poyon pe mombur-mombur gagaton ni pahan-pahananta. Dob ni boi jolma in dear, titir patumpuhon gandum (panen), bob ni hit ape bosur, sonang, halani sasintong ni hape haganupan do naporlu bani goluhta on isarihon Tuhan Naibata.
4. Bani haganupan hinamantin ni pambahenan ni Tuhan in, ipaingat do homa hita bani ambilan on ase totap jaga (hati-hati) hubani ragam ni godaan homa, hun siamun-siambilou atap mungkin tanpa isadari hita, marhorja do totap sibolis nalaho manlajou hita, dob ni masuk hita hubagas parlajouan ai. Dob ni boi do ai gabe mambahen manlembang use hita humbani harosuh ni Tuhan.
Ijama lang, ai anggo sapari halani lape adong motor, maningon jujungon ta do hurumah boniaganta sanggah panen, mambanting omei boi dope ra idingat hita, sadiha bolag pe sabah ta maningon manual do haganup manghorjahon ai, mamurpur omei pe maningon ijujungi do huatas sanggah roh logou marombus. Sonai age manjomur, anggo sonarion pori lang roh pe mataniari sadari, lang sundat be horah pakeanta, halani domma adong mesin pengering. Haganupan on isobut ma produk na serba instan.
Jadi pengaruh ni on haganupan, boi do mambahen lambin daoh ni hita humbani Tuhan, anggo lang sadar hita bahasa haganupan ai, sasintong ni lang boi terlepas humbani pansarihonon ni Tuhan bani goluh ta.
Pardalanan ni goluh menuju hagoluhan sisadokah ni dokah ni ai, porludo sasintong ni hita mambahen PMA = Penanaman Modal Akhirat. Ase atap aha pe tugas ta, horjanta, fungsinta bani keluarga, usahanta, atap pegawai pemerintah pe hita. Ipaingat ambilan on do hita ase selalu melestarihon haporsayaon ta ai marulak-ulak humbani generasi ke generasi.
Anggo pala manlembang hita hunjai, resikoni aima tartutup ma kehidupanta sandiri, langit, udan, tanoh lang be hasomanta janah lang boi be mambere hagoluhan in banta. Bahkan boi gabe munsuhta use. Hasomanta hinan do laut=roh sunami, hasomanta hinan do logou=roh halisungsung, hasomanta hinan do udan=roh banjir, hasomanta hinan do tanoh, buntu-buntu=roh longsor pnl. Aima anggo lang totap hita manghagoluhkon parentah ni Tuhan Naibata.
5. Eta mulai hita ma humbani dirinta sandiri, manjalo kuasa ampa otoritas ni Hata ni Tuhan in nagabe pusat kendali ni Kehidupanta. Uhur ampa pikkiran, on do sasintongni hagoluhan ni jolma in, ase bahen hita ma uhur ampa pikkiran ta on gabe ianan ni hatani Naibata. Mambahen uhur pakon pikkiranta gabe ianan ni Hata ni Naibata, namararti do ai bahasa haganupan goluh ta on maningon galangkononta domu hubani haporluan pararat ni harajaon ni Tuhan in. (Rom 12 : 1-2)
Na parpudi sahali aima : Adong do tugas ampa tanggung jawabta selaku umat ni Tuhan naibata hubani generasinta secara berkelanjutan. Hal on ma namaningon sihorjahononta, janah menjadi sada tanggung jawab na botul-botul ma on sihorjahononta. Mulai hun rumah tangga nari bani dakdanakta, dobai, lingkungan ta, torus hubani ianan parhorjaanta ronsi haganup masyarakat ta, maningon boi ma namin hita gabe sondang na mampu manondangi halak na legan. Ulang sondang ningon hita, tapi lang ongga marsinondang.
Andohar ma hal on boi tarhorjahon hita, ase malas uhur ni Tuhan mangidah hita janah tarpasu-pasu homa goluhta. Amen
Oleh : St. Agus Letwing M,S.Pd
(Sekretaris Jemaat GKPS Doloksanggul)
Anggo sihol mambahen sada kegiatan ma diri porludo haganupan palobei irencanahon janah isusun jenges sehingga jumpah ma tujuan na jelas, marhiteihon ni tatanan/aturan na dob iranggi ai. Ase saut mardalan ai, maningon do ituruti hita tatanan na dob iatur hita ai. Somal isobut Tertib Acara, Apalagi anggo seng hita homa mambobahon acara ai, tapi hita manusun acara, tontu maningon takkas do pabotohkonon ta sonaha pardalan ni acara ai holi.
Bani ambilan ta on, Tuhan Naibata do na dob manusun Tertib Acara ai na sihol sihorjahonon ni halak Israel marhitei pambobaion ni si Musa. Domma itotapkon Tuhan Naibata aha na sihol sihorjahonon ni bangsa Israel bani pardalanan ni goluh ni. Merupakan sada keharusan na mutlak do aturan on, na maningon sidalankonon ni Bangsa ni Naibata ai, tua-muda, na bayak-na masombuh, pamarentah-rayatni pe maningon do manggoluh ampa marhorja domu hubani parentah pakon aturan na dob itontuhon Tuhan Naibata.
Sada hal na pokok, na maningon iulak-ulakkon sampai mendarah daging aima Pidato ni Nabi Musa sanggah bani ujung ni goluh ni ai, aima ase haganupan pangitua-pangitua ni Israel iparentahkon do ase totap mansahap-sahapkon tonah ai bani generasi ke generasi. (sms berantai) bani haganup keluarga/rumah tangga, bani haganup panorang pakon ianan.
Adong piga-piga podah na sihol sobuton marhitei ambilan on aima :
1. Maningon ibagas bulat ni uhur do manghorjahon parentah ni Tuhan Naibata, ulang ganggang darngos. Hal on boi idahon humbani gaya hidup sehari-hari, janah sonaha jolma in manghagoluhkon titah. Sedo pitah parsahap, sedo pitah tradisi/kebiasaan tumang. Tapi totalitas ni goluh ni maningon do totap pataridahkon bahasa haganupan na dong bani, hosah, gogoh, sinadongan, rupa, hasehaton, pikkiran, hapentaron ni, haganupan ai na humbani Tuhan Naibata.
2. Humbani bulat ni uhur, namararti do ai patuduhkon haganup totalitas ni kehidupan ni, tanpa ragu-ragu man nahkon haporsayaon ni hubani Tuhan. Dob honsi haganupan ai boi tarpatuduh melalui sikap hidup sehari-hari, tontu secara otomatis Tuhan Naibata ma marhorja mangatur goluh ni. Porsi na paling porlu sipatuduhon aima manghaholongi Naibata, ampa manghaholongi hasoman jolma, sadalan homa bani Titah ni Naibata na sapuluh in (1 Musa 20 : 1-17)
3. Tuhan Naibata manjamin kelanjutan ni buah ni ketaatan ta ai bani hataNi. Tuhan Naibata mangatur goluh ni na marhaporsayaon Bani. Anggo ipaihut-ihut hita bani teks ni ambila on isobut do bahasa Tuhan Naibata partubuh ni suan-suanan marhitei na mambere udan, suan-suanan pe marbuahkon buah na madear, poyon-poyon pe mombur-mombur gagaton ni pahan-pahananta. Dob ni boi jolma in dear, titir patumpuhon gandum (panen), bob ni hit ape bosur, sonang, halani sasintong ni hape haganupan do naporlu bani goluhta on isarihon Tuhan Naibata.
4. Bani haganupan hinamantin ni pambahenan ni Tuhan in, ipaingat do homa hita bani ambilan on ase totap jaga (hati-hati) hubani ragam ni godaan homa, hun siamun-siambilou atap mungkin tanpa isadari hita, marhorja do totap sibolis nalaho manlajou hita, dob ni masuk hita hubagas parlajouan ai. Dob ni boi do ai gabe mambahen manlembang use hita humbani harosuh ni Tuhan.
Ijama lang, ai anggo sapari halani lape adong motor, maningon jujungon ta do hurumah boniaganta sanggah panen, mambanting omei boi dope ra idingat hita, sadiha bolag pe sabah ta maningon manual do haganup manghorjahon ai, mamurpur omei pe maningon ijujungi do huatas sanggah roh logou marombus. Sonai age manjomur, anggo sonarion pori lang roh pe mataniari sadari, lang sundat be horah pakeanta, halani domma adong mesin pengering. Haganupan on isobut ma produk na serba instan.
Jadi pengaruh ni on haganupan, boi do mambahen lambin daoh ni hita humbani Tuhan, anggo lang sadar hita bahasa haganupan ai, sasintong ni lang boi terlepas humbani pansarihonon ni Tuhan bani goluh ta.
Pardalanan ni goluh menuju hagoluhan sisadokah ni dokah ni ai, porludo sasintong ni hita mambahen PMA = Penanaman Modal Akhirat. Ase atap aha pe tugas ta, horjanta, fungsinta bani keluarga, usahanta, atap pegawai pemerintah pe hita. Ipaingat ambilan on do hita ase selalu melestarihon haporsayaon ta ai marulak-ulak humbani generasi ke generasi.
Anggo pala manlembang hita hunjai, resikoni aima tartutup ma kehidupanta sandiri, langit, udan, tanoh lang be hasomanta janah lang boi be mambere hagoluhan in banta. Bahkan boi gabe munsuhta use. Hasomanta hinan do laut=roh sunami, hasomanta hinan do logou=roh halisungsung, hasomanta hinan do udan=roh banjir, hasomanta hinan do tanoh, buntu-buntu=roh longsor pnl. Aima anggo lang totap hita manghagoluhkon parentah ni Tuhan Naibata.
5. Eta mulai hita ma humbani dirinta sandiri, manjalo kuasa ampa otoritas ni Hata ni Tuhan in nagabe pusat kendali ni Kehidupanta. Uhur ampa pikkiran, on do sasintongni hagoluhan ni jolma in, ase bahen hita ma uhur ampa pikkiran ta on gabe ianan ni hatani Naibata. Mambahen uhur pakon pikkiranta gabe ianan ni Hata ni Naibata, namararti do ai bahasa haganupan goluh ta on maningon galangkononta domu hubani haporluan pararat ni harajaon ni Tuhan in. (Rom 12 : 1-2)
Na parpudi sahali aima : Adong do tugas ampa tanggung jawabta selaku umat ni Tuhan naibata hubani generasinta secara berkelanjutan. Hal on ma namaningon sihorjahononta, janah menjadi sada tanggung jawab na botul-botul ma on sihorjahononta. Mulai hun rumah tangga nari bani dakdanakta, dobai, lingkungan ta, torus hubani ianan parhorjaanta ronsi haganup masyarakat ta, maningon boi ma namin hita gabe sondang na mampu manondangi halak na legan. Ulang sondang ningon hita, tapi lang ongga marsinondang.
Andohar ma hal on boi tarhorjahon hita, ase malas uhur ni Tuhan mangidah hita janah tarpasu-pasu homa goluhta. Amen
Sabtu, 05 Juni 2010
PERAYAAN PESTA SIKOLAH MINGGU
Syalooom......ma banta ganupan pengunjung ni blog on......
Malas uhur domma saut terlaksana PERESMIAN GKPS RESORT TARUTUNG bani ari Minggu, 23 Mei 2010 na salpu, halani ai ma ase Pesta Perayaan PARROH NI TONDUY NAPANSING na ipadomu pakon ni PESTA SIKOLAH MINGGU GKPS Doloksanggul, i rayahon hita ma bani ari Minggu, 6 Juni 2010. Pitah dua minggu do hansa persiapan latihan ni Seksi Sikolah Minggu GKPS Doloksanggul, ase ulang madokah tu namin pelaksanaan ni perayaan ai. Hansipe lang apala tarbahen sempurna perayaan PESTA SIKOLAH MINGGU GKPS Doloksanggul ai, unang das manghurangi namin ibagas uhurta tene.....halani nasobut sonai ase maningon sirsir do hita roh marminggu tanggal 6 Juni 2010 on janah bahen hita homa persiapanta, das dia SUMAN-SUMAN ididah hita holi paniseini niombahta SIKOLAH MINGGU GKPS Doloksanggul ai bani acara kegiatan ni sidea mangisi KAS SIKOLAH MINGGU......SUMBANG HITA GEeee, lang naido.... Atap adong homa siluah ni sidea, RUP MANDUITKON hita.....Anggo bani Jadwal Bapa St. P Silalahi, S.Pd do marambilan janah St. JM Tondang ma maragenda. Anggo sibasa doding nini uhur ijampung Guru SIKOLAH MINGGU GKPS Doloksanggul ma aima inang ROSMAWANI SARAGIH (Mama Jordan Samosir).
Sonaima tarima kasih ma. Andohar ma bani haganup aktivitas ta Tuhan ma na marsangap.
Syalom : St. Agus Letwing M,S.Pd (Sekretaris Jemaat GKPS Doloksanggul)
Malas uhur domma saut terlaksana PERESMIAN GKPS RESORT TARUTUNG bani ari Minggu, 23 Mei 2010 na salpu, halani ai ma ase Pesta Perayaan PARROH NI TONDUY NAPANSING na ipadomu pakon ni PESTA SIKOLAH MINGGU GKPS Doloksanggul, i rayahon hita ma bani ari Minggu, 6 Juni 2010. Pitah dua minggu do hansa persiapan latihan ni Seksi Sikolah Minggu GKPS Doloksanggul, ase ulang madokah tu namin pelaksanaan ni perayaan ai. Hansipe lang apala tarbahen sempurna perayaan PESTA SIKOLAH MINGGU GKPS Doloksanggul ai, unang das manghurangi namin ibagas uhurta tene.....halani nasobut sonai ase maningon sirsir do hita roh marminggu tanggal 6 Juni 2010 on janah bahen hita homa persiapanta, das dia SUMAN-SUMAN ididah hita holi paniseini niombahta SIKOLAH MINGGU GKPS Doloksanggul ai bani acara kegiatan ni sidea mangisi KAS SIKOLAH MINGGU......SUMBANG HITA GEeee, lang naido.... Atap adong homa siluah ni sidea, RUP MANDUITKON hita.....Anggo bani Jadwal Bapa St. P Silalahi, S.Pd do marambilan janah St. JM Tondang ma maragenda. Anggo sibasa doding nini uhur ijampung Guru SIKOLAH MINGGU GKPS Doloksanggul ma aima inang ROSMAWANI SARAGIH (Mama Jordan Samosir).
Sonaima tarima kasih ma. Andohar ma bani haganup aktivitas ta Tuhan ma na marsangap.
Syalom : St. Agus Letwing M,S.Pd (Sekretaris Jemaat GKPS Doloksanggul)
Langganan:
Postingan (Atom)